سورہ بنی اسرائیل۔۔۔۔

سُبْحَانَ الَّذِي أَسْرَىٰ بِعَبْدِهِ لَيْلًا مِّنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا  ۚإِنَّهُ هُوَ السَّمِيعُ الْبَصِيرُ ﴿١﴾

”پاک ہے وہ ذات جس نے راتوں رات اپنے بندے کوسیر کرائی، مسجد ِ حرام (مکہ) سے مسجد ِ اقصیٰ (بیت المقدس) تک ، اس کے اطراف کو ہم نے بڑی برکت دی ہے، تاکہ اپنی نشانیاں اسے دکھائیں۔ بلاشبہ وہی ذات ہے سننے والی اور دیکھنے والی۔“

اُس (ص) کی امت میں ہوں ! میں، میرے رہیں کیوں کام بند
واسطے جس شہ (ص) کے غالب گنبدِ بے در کھلا

غالب اپنے مشاہداتی بیان کے زریعے دلِ مجروح و مضروب کو تسکین دیتے ہیں کہ میں امتی ہوں اس نبی (صلی اللہ علیہ وسلم) کا جس کے لیے زمیں کے اطراف جو یہ بیچوبا خیمہ تنا کھڑا ہے چاک ہو جاتا ہے  ، گنبدِ بے در ، افق در افق کٹتے چلے گئے ، میرے نبی صلی اللہ علیہ وسلم بڑھتے چلے گئے ، اُڑتے چلے گئے ۔۔۔۔۔
محالات ، ممکنات سے معتبری پاتے چلے گئے ، مقامات ، مراسلاتِ مخبری پاتے پاتے چلے گئے ۔۔۔
علامہ اقبال فرماتے ہیں کہ ۔۔۔۔

سبق ملا ہے یہ معراجِ مصطفیٰ (صلی اللہ علیہ وسلم)  سے مجھے
کہ عالمِ بشریت کی زد میں ہے گردوں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔